Քաղցկեղի զարգացումը կանխող սովորությունններ. news.am

Կանխարգելումը բուժումից անհամեմատ ավելի հեշտ է, հատկապես, երբ խոսքը քաղցկեղի նման հիվանդությունների մասին է, պնդում են մասնագետները: Ուռուցքաբան Մուզամմիլ Շայխը պատմել է մի քանի սովորության մասին, որոնք կրճատում են քաղցկեղային հիվանդությունների զարգացման վտանգը:

1. Հրաժարվել ծխելուց

Ծխելը զգալիորեն բարձրացնում է թոքերի, կերակրափողի, ստամոքսի, ենթաստամոքսային գեղձի եւ բերանի խոռոչի քաղցկեղի զարգացման վտանգը: Պարզվել է, որ ոչ պակաս վտանգավոր է ծխախոտ ծամելը, որովհետեւ նման սովորությունը կարող է հանգեցնել բերանի խոռոչի, բերանի եւ կոկորդի քաղցկեղի: Նույնիսկ պասիվ ծխելը ռիսկի գործոն է, այդ պատճառով բժիշկները խորհուրդ են տալիս զգուշանալ ծխախոտից` ցանկացած տեսքով:  

2. Շատ միրգ եւ բանջարեղեն օգտագործել

Այդ մասին արդեն շատ է խոսվել, բայց գիտնականները չեն հոգնում կրկնել, որ թարմ մրգերը եւ բանջարեղենը պետք է սննդակարգի հիմքը լինեն: Բջջանյութը եւ դրանում պարունակվող վիտամիններն օգնում են կանխարգելել մարսողական համակարգի քաղցկեղային հիվանդությունների զարգացումը:

3. Խուսափել վերամշակված մսից

Սննդակարգում վերամշակված մսի ավելցուկը բարձրացնում է աղիների, կրծքի եւ  շագանակագեղձի քաղցկեղի զարգացման ռիսկը: Այլ գիտնականներ պնդում են, որ կարմիր մսի չափավոր օգտագործումը կարող է նվազեցնել քաղցկեղային հիվանդությունների զարգացման ռիսկը, բացի այդ, դա սպիտակուցների, վիտամինների եւ հանքանյութերի հրաշալի աղբյուր է: Կարեւորը` չափը չանցնել: Ցանկալի է կարմիր միս ուտել շաբաթը 2 անգամից ոչ հաճախ:

4. Զգուշանալ պարզ ածխաջրերից

Ածխաջրերն էներգիայի գլխավոր աղբյուրն են, բայց ոչ բոլոր ածխաջրերն են օգտակար: Այսպես կոչված, բարդ ածխաջրերը, որոնք պարունակվում են բանջարեղենում եւ մրգերում, ընկուզեղենում եւ ոչ ռաֆինացված հատիկներում եւ այլ մթերքներում, օգտակար են, սակայն պարզերը (սպիտակ բրինձ, քաղցրեղեն, սպիտակ հաց եւ այլն) նպաստում են արյան մեջ գլյուկոզայի ավելացմանը, ինչն իր հերթին բարձրացնում է աղիների եւ կրծքի քաղցկեղի զարգացման վտանգը: 

5. Քաշը պահպանել նորմայի սահմաններում

Ավելորդ քաշն ու ճարպակալումը բարձրացնում են քաղցկեղի շատ տեսակների զարգացման ռիսկը, ինչպես օրինակ` աղիների, կրծքի եւ էնդոմետրիումի: Այդ պատճառով ցանկալի է քաշը նորմայի սահմաններում պահել, պնդում են մասնագետները:

Հարցեր, պատասխաններ, մեկնաբանություններ